Víðari útbúgving, møguleikar

www.ug.dk

Kannið altíð nýggjastu upptøkukrøvini, ið kunnu broytast allatíðina!

 

 

Reidar er bæði heilsuhjálpari og heilsurøktari og greiðir frá um at útbúgva seg víðari

 

Reidar Joensen fór á Heilsuskúla við tí ætlan, at hann vildi arbeiða í sjúkraflutningtænastuni. 

Tað hevur hann møguleika til tí at hann hevur heilsurøktaraútbúgving. Reidar hevur tikið víðari útbúgving á Landssjúkrahúsinum. Fyrst tók hann eitt skeið, sum eitur PHTLS. Hetta er ein stytting fyri pre-hospital trauma life support.  Les meira her www.cascadetraining.com/offered_classes/prehospital_trauma_life_support_ptls.cfm

½ ár seinni fór Reidar í holt við behandlara-útbúgvingina og var í starvsvenjing á ymsu deildunum á Landssjúkrahúsinum á B8, skurðgongini og á skaðastovuni.

 

 

Víðari útbúgving

Vilt tú vita meira um víðari útbúgving, kanst tú fara inn á www.ug.dk

Sum heilsuhjálpari, kanst tú útbúgva teg víðari til heilsurøktara.

Sum heilsurøktari kanst tú fara víðari til m.a. fysioterapeut, ergoterpeut, sosialráðgeva, sjúkararøktarfrøðing ella námsfrøðing í Danmark. Onkrar av útbúgvingunum kunnu krevja serstaka lærugrein og støði, afturat heilsurøktaraútbúgvingini.

Kannað altíð nýggjastu upptøkukrøvini, ið kunnu broytast allatíðina !

 

Víðari til sjúkrarøktarfrøðing 

Munur er á donsku og føroysku sjúkrarøktarfrøðiútbúgvingunum og upptøkukrøvini eru ymisk.

Tí ber enn ikki til at fara beinleiðis víðari í Føroyum við heilsurøktaraútbúgving, eins og í Danmark. 

- Føroyska sjúkrarøktarfrøðiútbúgvingin er ½ ár longri enn danska útbúgvingin og krevur fult gymnasialt prógv, fyri at koma inn (Student ella tað vit í mannamunni rópa HF í Føroyum, hægri fyrireikingarbreyt). Føroyska sjúkrarøktarfrøðiútbúgvingin er bachelor of science - Universitetsútbúgving.

- Danska sjúkrasystraútbúgvingin er proffesiónsbachelor - ið fyrigongur á proffesiónsháskúla. Heilsurøktari kann koma inn á útbúgvingina í Danmark, uttan at hava gymnasialt prógv.

 

Um tú vilt menna tínar førleikar at koma inn á føroysku útbúgvingina:

Í føroysku heilsurøktaraútbúgvingini er støði á føroyskum A og enskum B og eru sostatt á gymnasialum støði. Um tú ikki hevur fult gymnasialt prógv, kunnu írestandi lærugreinar takast sum sjálv/stakgreinalesandi á t.d. Hægri fyrireikingarbreyt.  

Kannað altíð eftir á Miðnámskúlum hvat skal til fyri at fáa fult gymnasialt prógv og á Sjúkrarøktarfrøðiskúlanum hvørjar lærugreinar tá eru best at taka.