Heilsuhjálparaútbúgvingin

Heilsuhjálparaútbúgving tekur 1 ár og 3 mánaðir. Byrjar tvær ferðir árliga, í januar og í septembur. Freistir at søkja eru 1. novembur og 15. mars. Útbúgvingin gevur atgongd til heilsurøktara.

Finn umsóknarblað her 

 

Upptøkukrøv

Til heilsuhjálpara krevst 9. flokkur + eitt ára starvsroyndir ella 10. flokksprógv.  Sí her. 

 

 

 

Tíðarætlan

Tíðarætlan fyri útbúgvingarnar

 

 

Lærugreinar

Yrkislærugreinar:

Samfelagslæra             

Arbeiðsumhvørvi                              

Endurmenning 

Røkt                          

Sálarfrøði                      

 

Almennar lærugreinar:                                 

Danskt   D                                        

Enskt     D                                          

Føroyskt D                                         

Náttúrulæra  D                                  

 

Vallærugreinir                                    

 

 

Starvsvenjingarpláss

Heilsuhjálparanæmingar eru í starvsvenjing 2 ferðir á 12 vikur hvør. 

Starvsvenjingarplássini eru í Heimatænastuni, á ellis- og røktarheimum og í eldrasambýlum runt landið. 

Næmingarnir fáa møguleika at seta ynskir fram um pláss, til hvørja starvsvenjing. Tó er ikki altíð at ynskini kunnu uppfyllast, tá verður avgjørt við luttakasti. Næmingar mugu fyrireika seg uppá at skula flyta bústað í samband við starvsvenjing.

 

 

Meting í skúlatíðarskeiðunum

Tá eitt skúlatíðarskeið endar, er ein innanhýsis roynd og talmet verða givin fyri hvørja lærugrein sær. Royndin og talmetini, fyri allar lærugreinar, skulu samlað standast, við í minsta lagi talmetinum 02. 

 

Meting í starvsvenjingini

Starvsvenjingin hevur 19 mál, ið skulu standast við endan av tíðarskeiðnum. Næmingurin fær vegleiðing undir starvsvenjingini og skal til 3 samrøður í hvørjari starvsvenjing. Vegleiðarin útfyllir eina støðismeting, ið vísir støðið hjá næminginum.

 

 

Próvtøkur

Til seinast í útbúgvingini liggja próvtøkur. Heilsuhjálparanæmingar skulu upp til próvtøku 2 ferðir:  Verkætlan, ið er skrivað í bólkum og einari lærugrein har trekt verður millum yrkislærugrein og almenna lærugrein.

Mentamálaráðið trekkir út lærugreinarnar. Verkætlanin kann skrivast í bólkum ella einsamøll. Til próvtøkuna er ein næmingur inni.

Um ein næmingur ikki stendur skúlatíðarskeiðið ella starvsvenjingina, kann næmingurin ganga umaftur einaferð.

 

 

Arbeiðspláss

Eftir lokna útbúgving er arbeiðsøki í høvuðsheitinum innan Nærverkið t.d.:

  • Heimatænastan
  • Ellis- og røktarheim
  • Sambýlir
  • Stuðulstænastan 

 

Víðari lesnaður

Sum útbúgvin heilsuhjálpari, kanst tú útbúgva teg víðari til heilsurøktara.

 

 

 

Samrøða við ein heilsuhjálpara

Sigur soleiðis um starvið sum heilsuhjálpari:

 

    • At arbeiða við menniskjum snýr seg um umsorgan og røkt
    • At virða orkuna hjá borgaranum
    • At stuðla og stuðla til ynskir um virksemi
    • At hava gott tvørfakligt samstarv
    • At halda seg innanfyri sítt førleikaøkið
    • At tú ert jaliga sinnað/ur, opin og tolin

     

     

     

     

     

Ingun fekk eitt ørðvísi starv sum inni-portør á Landssjúkrahúsinum

Ingun hevur ymiskar arbeiðsroyndir sum heilsuhjálpari og hevur henni dámt sera væl. Eftir at hava fingið ein son, hevði hon heldur trupult við at venja sig við tankan um at arbeiða í vaktum við einum lítlum barni. 


Brádliga sær Ingun eina lýsing frá sjúkaflutningstænastuni á Lansssjúkrahúsinum, sum søkti eftir einum inni-portøri til skurðdeildina. Lýsingina fann Ingun á portal.fo. Talan var um eitt fulltíðarstarv frá 8.00 – 16.00 gerandisdagar.

Kravið var ein heilsufaklig útbúgving og sum útbúgvin heilsuhjálpari lýkur Ingun hesi krøv. Tað vóru 11 umsøkjarar til starvið, 3 vóru til samrøðu og Ingun fekk starvið. Tað var ein royndartíð uppá 3 mánaðir, men tá 2 mánaðir vóru farnir, varð Ingun sett í fast starv. 

Sum inni-portørur skalt tú hava nomið tær vitan um tagnarskylduna, sorg og kreppu, samskifti, duga at seta seg í støðuna hjá sjúklinginum, reinføri, smittuvandar, flytihættir, o.s.fr.  

1. hjálparaskeið, sum var eitt krav, tók Ingun eisini á Heilsuskúlanum. Tað gera allir heilsuskúlanæmingar 

Arbeiðsuppgávurnar hjá Ingun eru nógvar og umfata m.a. at koyra sjúklingar til og frá skurðstovuni.

Ingun ger millum annað seingjalegurnar klárar til ymsu sjúklingarnar t.d er tað ein mjødn, sum skal skiftast, so skal tað vera ein síðulega til tann sjúklingin. Sera týdningarmikið er at duga at lejra/leggja beinið rætt, so trýstið ikki er skeivt undir skurðviðgerðini. Síðan hjálpir Ingun til við at halda beininum hjá sjúklinginum, meðan beinið og mjødnin verða jodaði og gjørd klár til skurðviðgerð.  

Allar royndir, sum verða tiknar inni á skurðstovuni, hevur Ingun ábyrgdina av at bera á rætta stað t.d. til patologin.

Ingun kemur í samband við nógv ymisk menniskju, sum hava tað í felag, at tey hava brúk fyri viðgerð. Nógv av teimum eru í kreppu, tí tey hava fingið tyngjandi boð frá læknanum.

Tá er týdningarmikið at hava empati og duga at samskifta á rættan hátt. Sjúklingarnir eru bangnir og hava brúk fyri at tosa. Tá er uppgávan hjá Ingun at lurta og vísa, at hon er áhuga í tí, sum viðkomandi hevur uppá hjarta, vera tilstaðar og geva hondini eitt lítið klemm, tá tørvur er á tí.

Hesir eginleikar og fleiri aðrar, sum hon kann nýta í sínum starvi, hevur Ingun fingið vitan um undir útbúgvingini til heilsuhjálpara, ið er ein grundútbúgving innan heilsu, sum brynjar/gevur førleika til at arbeiða við menniskjum, heilsu, røkt og reinføri.