Avriksflutningur

 

Avriksflutningur merkir:

  • at flyta avrik, á sama støði, við sær, frá aðrari útbúgving.
  • at ein t.d. ikki skal taka somu lærugrein á sama støði umaftur. 
  • at arbeiðsroyndir yvir longri tíð, við somu uppgávum sum í heilsuhjálparayrkinum, gera at ein verður frítikin fyri ein starvsvenjingarpart

 

 

Góðskriving í skúlapartinum

T.d. um ein á øðrum miðnámskúla hevur tikið lærugreinarnar føroyskt, danskt ella enskt, á sama støði, sum undirvíst verður í á Heilsuskúlanum, kann søkjast um avriksflutning/merit fyri hesar lærugreinar.

Sostatt skal ein næmingur ikki taka somu lærugrein umaftur, á sama stigi.

Í heilsuhjálparaútbúgvingini verður undirvíst á D-stig

Í heilsurøktaraútbúgvingini verður undirvíst á C-stig

 

Um ein hevur staðið partar av somu útbúgving, sum skúlin veitir, kann eisini søkjast um avriksflutning.

Søkjast skal um avriksflutning/merit tá byrjað verður á skúlanum. Allir næmingar verða kunnaðir um henda møguleika, tá ið byrja verður í útbúgvingunum. 

Treytin fyri at fáa avriksflutning er, at prógv eru tøk. Lestrarvegleiðarin á skúlanum kann vegleiða um avriksflutning.

 

Góðskriving í starvsvenjingarpartinum

Ein umsøkjari við nógvum viðkomandi arbeiðsroyndum innanfyri røkt, kann fáa góðskriving fyri ein starvsvenjingarpart, og fáa ein 3 mánaðar steðg ávegis í útbúgvingini, har starvsvenjing 1 liggur. 

Arbeiðsváttan skal sendast inn á skúlan.

Arbeiðaváttanin skal innahalda prógv fyri tímatal, ið tú hevur arbeitt pr. viku/mánaða, og tíðarskeið, ið tú hevur arbeitt.  Kravið er eitt ára arbeiðsroyndir, fulla tíð, fyri at góðskriving kann veitast. Hetta verður mett fyri hvønn einstakan næming.

 

Krav er um at:

Arbeiðið skal hava verið innanfyri røkt, í starvi sum heilsuhjálparin vanliga tekur sær av. Umsøkjarin skal hava arbeitt saman við heilsuhjálpara, heilsurøktara ella sjúkrarøktarfrøðingi, við einari ávísari upplæring frá hesum fakbólkum. 

 

Les um møguleika fyri styttri útbúgving, STYTT ÚTBÚGVING

 

Um tú hevur ivaspurningar, so veita vit fegin vegleiðing á tlf. 61 42 10 ella á telduposti heilsuskulin@skulin.fo