Punktpraktikk

Ein punktpraktik er eitt tiðarskeið í starvsvenjingini, har ein næmingur velur eina stutta praktikk á øðrum starvsvenjingarstaði. Punktpraktikk kann vara alt frá nøkrum fáum døgum, upp til umleið eina viku, í starvsvenjing á øðrum plássi enn tí upprunaliga.

Ein kann velja "punktpraktik" um man vil hava meira vitan um eitt serligt øki, ella eitt annað øki enn tað upprunaliga.

Møguleiki er, í samráð við vegleiðara sín í starvsvenjingini, at fara í punktpraktik, um tað gongur væl við at náa málunum fyri starvsvenjingina.

Soleiðis kann útbúgvingin blíva enn meira fjølbroytt enn vanligu starvsvenjingarpartarnir leggja upp til.

 

Dømir uppá punktpraktikkstøð: 

Øll starvsvenjingarpláss kunnu virka sum punktpraktikk.

Eisini kunnu onnur pláss enn vanlig starvsvenjingarpláss verða nýtt.

Næmingar hava t.d. valt  ambulansatænstuna á Landssjúkrahúsinum, ið ikki er eitt vanligt starvsvenjingarpláss hjá Heilsuskúlanum.

 

Sum heilsurøktari er góður møguleiki at læra víðari til ambulansaførara og í punktpraktikk fæst innlit í, um áhugin er til tess.