TIl umsøkjarar:

Næmingar sum søkja um upptøku á Heilsuskúla Føroya, kunnu antin fáa lestrarstuðul frá Studna, ella fáa ein sáttmála við eitt arbeiðspláss.

Fyri at fáa løn undir útbúgving, krevst at tú hevur sáttmála við eitt arbeiðspláss.

Sum næmingur, kanst tú fáa løn undir útbúgving frá einum arbeiðsplássi. Arbeiðsgevarin, sum tú hevur sáttmála við, gevur tær løn, alt sáttmálatíðarskeiðið, og tín arbeiðsgevari kann síðani søkja Studna um at fáa endurgjald fyri ávísar partar av tíni útbúgving.

Ynskir tú eisini at blíva førleikamett/ur, er tað týdningarmikið, at hetta verður gjørt áðrenn sáttmálin um løn undir útbúgving, verður undirskrivaður, tí tín førleikameting av avgerðandi fyri, longdina á tínum sáttmála.

Tú finnur umsóknarblað til upptøku, oyðublað til sáttmála um løn undir útbúgving og førleikamappu her á heimasíðuni.

TIl Kommunur/starvsvenjingarpláss:

Næmingar sum ynskja at lesa á Heilsuskúla Føroya, hava nú møguleika at fáa løn undir útbúgving um tey fáa ein sáttmála, við eitt arbeiðspláss.

Sáttmálin er galdandi frá tí degi at hann er undirskrivaður.

Oyðublað til sáttmálan finna tit her á heimasíðuni. Tit skulu saman við næminginum, fylla oyðublaðið út, og samstundis avgera hvørji starvsvenjingarpláss næmingurin skal í, innan tykkara arbeiðspláss. Hetta skal setast inn í sáttmálan. Heilsuskúli Føroya syrgir fyri starvsvenjingarplássum til psykiatri(uttan fyri arbeiðsplássi) og til starvsvenjing í somatik hjá heilsurøktaranæmingum.

Tá tit hava fylt sáttmálan út, skal hann sendast til Heilsuskúla Føroya á heilsuskulin@skulin.fo. Hann verður síðani viðgjørdur.

Ynskir næmingurin at verða førleikamettur, skal skjalfesting sendast við, fyri allar viðkomandi arbeiðsroyndir og skúlagongd, sum kunnu stytta útbúgvingina.

Arbeiðspláss sum gera sáttmálar, kunnu søkja endurgjald frá Studna, fyri 80% av lønini, tó uttan eftirlønargjald v.m. Ávísar freistir eru fyri at søkja endurgjald. Sí Studni.fo fyri meira kunning.