Á hesu síðu finnur tú upplýsningar um: bøkur, fráveruskipan, samstarv, trivnað og lektiucafé.
Næmingarnir skulu sjálvir keypa bøkur, eftir bókalista sum skúlin útvegar, áðrenn skúlabyrjan. Bøkur kunnu bíleggjast í bókhandlum kring landið.
Bílegg altíð nýggjastu útgávu av bókum. Tað er ikki ráðiligt at keypa brúktar bøkur, uttan at eftirkanna, at útgávan er tann nýggjasta, sum skúlin nýtir.
GG hvør bók inniheldur ein e-lykil, ið bert kann virkjast einaferð. Keypir tú eina brúkta bók, er ikki vist at e-lykilin er virkin.
Útreiðslur til bøkur eru vegleiðandi
Heilsuskúlin hevur eina talgilda fráveruskipan. Her kann næmingurin eftirkanna egnu fráveru.
Reglur fyri fráveru eru tilskilaðar í kunngerð, og í námskipanini, brot her:
“Møtiskylda er undir allar útbúgvingini, og øll frávera verður skrásett. Næmingurin kann í mesta lagi hava 10% fráveru í einstakari lærugrein. Um samlaða fráveran í einari lærugrein, í ástøðiliga partinum íalt ella starvsliga partinum, fyri seg, er meira enn 10%, fær næmingurin fyrru ávaring. Frávera verður gjørd upp í minsta lagi 4 hvørja viku.”
Skúlin gevur til samans tvær skrivligar ávaringar um fráveru.
Um fráveran heldur áfram eftir aðru ávaring, verður framhaldandi útbúgvingargongdin tikin upp til metingar. Næmingarnir skulu til eina og hvørja tíð hava møguleika fyri at eftirkanna egna fráveru. Um fráveran verður meir enn 10% í einum starvsvenjingarparti, skal starvsvenjingarstaðið boða Heilsuskúla Føroya frá hesum.
Heilsuskúli Føroya hevur ábyrgd av at geva ávaring fyri ov nógva fráveru, bæði í skúlapartinum og starvsvenjingarpartinum í útbúgvingini. Hetta er eisini galdandi fyri námsdagar og starvsvenjing.
Í starvsvenjingartíðini galda reglur um sjúkrafráveru og frískmelding, ið finnast á einstøku starvsvenjingarplássunum.
Næmingarnir verða upplýstir um reglurnar við byrjan av starvsvenjingini.
Avlýsingar reglur
Undirvísingin verður avlýst, tá Bygdaleiðir og/ella Strandferðslan avlýsa vegna veður. Næmingar mugu kanna eftir á teldupostskipanini hjá skúlanum, tá ivamál eru um avlýsing.
Samstarv og trivnaður, eru virðir, ið eru í hásæti á skúlanum. Tá ein flokkur byrjar á skúlanum, verður skipað fyri tiltøkum, soleiðis at næmingar koma at kenna hvønnannan.
Ein samstarvsavtala verður gjørd millum næmingarnar og hendan verður tikin fram av og á, fyri at tryggja tað góða samstarvið og trivnað millum næmingarnar.
Floksins tími
Er eitt forum har flokkurin kann tosa um viðurskifti, ið ávirka skúlagongdina og trivnaðin. Næmingarnir læra vanligan fundarsið, at seta dagsskrá, velja orðstýrara og skrivara, og at taka samanum fundarfrágreiðingar.
Hvønn týsdag kl. 11.45 – 12.15.
Hetta er ein gyltur møguleiki at fáa íblástur/stuðul til heimaarbeiðið, eins og hjálp til at læra førleikar við KT-skipanum, sum skúlin brúkar.
Allir næmingar, sum hava tørv á hjálp við heimaarbeiðinum, eru vælkomnir.
Tímin kann eisini brúkast til lektiubólk, har næmingar í føstum bólkum tosa um heimaarbeiði og kunnu stuðla hvørjum øðrum. Lektiubólkurin kann eisini velja at venda sær til lærararnar á lektiucaféini við spurningum.
Møguleiki er eisini hendan tíman, at venda sær til aðrar lærarar, ið ikki skipa fyri lektiucafé, við at venda sær til skrivstovurnar hjá hesum.
Er fastlagt á tímatalvuni hjá heilsuhjálparum, skal avtalast við lærararnar í heilsurøktaraútbúgvingini
