Bøkur til at arbeiða við málum fyri starvsvenjing.
Støðismetingarnar finnur tú her
Praktikbogen finnur tú her
Forlag: Munksgaard, nýggjasta útgáva.
Hesar bøkur eru nýggjar og skulu nýtast tá útbúgvingin broytist frá januar 2019.
Bøkurnar vísa beinleiðis til somu mál, ið verða nýtt í starvsvenjing í føroysku útbúgvingini.
Bøkurnar vegleiða um, hvussu ein kann náa málunum í dagliga arbeiðinum.
Føroyska útbúgvingin hevur somu mál í starvsvenjing sum tann danska, tí kann bókin nýtast beinleiðis í vegleiðingini.
Vegleiðarin eigur at tryggja sær, at bókin sum verður nýtt, svarar til málini í starvsvenjing.
Næmingarnir keypa hesa bókina tá tey byrja útbúgvingina og skal taka hesa fram í starvsvenjingini.
1. Taksonomi
2. Lyklaorð/sagnorð
3. Støði (próvtalsstigin)
4. Operationalisering
Skúlin hevur av og á temadagar, ið vegleiða viðvíkjandi tulking av málum. Eisini kann umbiðjast at temadagur verður hildin fyri tykkara arbeiðsplássi, um tit ynskja tað.
Í støðismetingunum (málunum) verður brúkt ein ávís taksonomi – stigvíst vaksandi krøv – ið næmingurin skal røkka í málunum fyri starvsvenjingina.
Í heilsuhjálparaútbúgvingini eru stigini hesi:
Starvsvenjing I : Kunnleika til
Starvsvenjing II : Hegni og førleika til
Í heilsurøktaraútbúgvingini eru stigini hesi:
Starvsvenjing I: Kunnleika til
Starvsvenjing II: Hegni til
Starvsvenjing III: Førleika til
Í starvsvenjing hjá heilsurøktarum skal næmingurin arbeiða við øllum stigum í øllum starvsvenjingum, av tí at tað eru serøkir. Í seinastu starvsvenjing skulu øll málini vera nádd á støði “førleika til “.
Sí bøkurnar Lærebog i praktikken fyri at finna frágreiðing fyri hugtøkini:
kunnleika, hegni, førleika (“begynder ” rutineret” “avanceret” )
Málini eru tey somu fyri starvsvenjingarpartarnar 1, 2 og 3, men TAKSONOMIIN avgerð hvussu langt næmingurin skal vera komin áleiðis at náa málunum og avgerð sostatt hvussu næmingurin skal metast.
Finn lyklaorð /sagnorð, ið eru umráðandi orð í mun til førleikaøki:
Vegleiðarin skal nýta lyklaorðini (sagnorðini) í málinum, til at vegleiða næmingin í sínum ábyrgdarøki. Lyklaorðini siga hvør uppgávan er í málinum. Ella við øðrum orðum, hvørjar uppgávur heilsurøktarin hevur og skal duga.
Dømi mál 12 heilsurøktaraútbúgvingin: (sagnorð)
“At næmingurin eftir galdandi reglum á starvsvenjingarstaðnum og eftir tillutan av uppgávum, sjálvstøðugt skamtar og gevur heilivág, umframt eygleiðir árin og hjáárin og kunnar um heilivágin, skjalfestir og ger sítt til, at borgarin/sjúklingurin samstarvar í samband við at taka heilivág.”
Næmingurin fær IKKI eitt talmet fyri starvsvenjingina. Men umhugsast skal hvørjum støði næmingurin er á, um avrik eru “sera væl nøktandi” ella “júst nøktandi”.
Avkrossing verður gjørd í støðismetingini.
Støðið verður vegleiðandi mett eftir orðum í próvtalsstiganum, ið er aftast í “støðismetingini” fyri starvsvenjing. Talmet verður ikki givið, men støðið er, sum avkrossingin vísur.
Dømi um støðismeting:
Avrik ið eru sera væl nøktandi – (vegleiðandi próvtal 12)
Avrik ið júst eru nøktandi – (vegleiðandi próvtal 02)
o.s.v
Minsta krav fyri at vera staðin, “Avrik ið eru júst nøktandi”
Vegleiðingar til próvtølini í støðismetingini siga greitt hvat MINSTA MARK ER fyri nær næmingurin ikki stendur útbúgvingina. Orðini til próvtalstigan skulu nýtast tá næmingurin fær afturmeldingar.
Tá støði er ásett:
Næmingur skal, tá støði er ásett, hava skrivligar metingar at hava við sær til næsta starvsvenjingarstað, sum klárt vísa honum á, hvat hann skal umhugsa fyri at betra sítt avrik, í mun til málini.
Dømi um skrivliga afturmelding í støðismetingini, skulu orðini í próvtalstiganum og málunum verða nýtt, dømi:
“Í mun til mál nr. 12 kanst tú í ávísum førum arbeiða sjálvstøðugt við at skamta og geva heilivág, Tú skalt arbeiða við at fáa betur hegni (taksonomi) til at eygleiða árin og hjáárin í samband við heilivág…”,
Formellu málini fyri starvsvenjing skulu umgerast til dagligdags arbeiðsuppgávur, “operationalisering”
Nýt bøkurnar Lærebog i praktikken trin 1 og trin 2, sum íblástur.
Uppgávurnar í bókunum er uppskot, og ikki tann endaligi sannleikin. T.v.s at aðrar uppgávur eisini kunnu liggja undir málunum, alt eftir hvat arbeiðspláss næmingurin er á.
