Lesnaður til heilsuhjálpara byrjar í apríl og august. Útbúgvingin er samansett av tveimum ástøðum á tríggjar mánaðir og tvær starvsvenjingar á tríggjar mánaðir. Útbúgvingin tekur 15. mðr.
Søkir tú inn til heilsuhjálparaútbúgvingina ið byrjar í Apríl, trýst á knøttin:
Søkir tú inn til heilsuhjálparaútbúgvingina, ið byrjar í August, trýst á knøttin:
Á HHJ lærir tú um røkt, umsorgan og stuðul til dagligt virksemi við støði í lívssøgu borgarans. Eftir lokna útbúgving kanst tú starvast í heimatænastuni, á ellis- og røktarheimum og í eldrasambýlum runt landið. Heilsuhjálparaútbúgvingin gevur atgongd til heilsurøktaraútbúgvingina.
Lesnaður til heilsuhjálpara byrjar frá 1. januar 2024 í august og apríl. Sostatt byrjar eingin flokkur í januar 2024.
Eftir lokna útbúgving eru arbeiðsøkini í høvuðsheitinum:
Sum útbúgvin heilsuhjálpari, kanst tú útbúgva teg víðari til heilsurøktara.
Minsta krav fyri upptøku er 9. flokkur og eitt ára arbeiðsroyndir av onkrum slagi ella 10. flokk. Mett verður sum heild, um umsøkjarin er førur fyri á nøktandi hátt at lúka krøvini í útbúgvingini.
Tað er ikki eitt krav at tað er arbeiðsroyndir innan fyri røkt. Allar arbeiðsroyndir kunnu nýtast. Arbeiðsroyndir skulu váttast av arbeiðsgevara og sendast við umsóknini.
Næmingur kann eftir skrivliga umsókn til Heilsuskúla Føroya í seinasta lagi 14 dagar eftir útbúgvingarbyrjan søkjaum at fáa avriksflutning:
1) í einari ella fleiri almennum lærugreinum í útbúgvingunum, um hann hevur lokið lærugreinina ella lærugreinirnar á sama
ella hægri stigi, og um hann hevur fingið í minsta lagi talmetið 02 í lærugreinini til próvtøku ella í endaligum ársmeti,
2) í einari ella fleiri yrkislærugreinum, um hann kann skjalprógva, at hann hevur samsvarandi kunnleika í yrkislærugreinini
ella yrkislærugreinunum ella
3) í eindum ella í pørtum av eindum í starvsliga útbúgvingarpørtunum, um hann kann skjalprógva samsvarandi kunnleika á
yrkisøkinum
Sjá kunning á www.studni.fo
Í heilsuhjálparaútbúgvingini skal næmingurin til munnliga próvtøku 2 ferðir, í einari yrkislærugrein
ella einari almennari lærugrein, ið Mentamálaráðið trekkir út, harumframt í tvørgreinaligari verkligari
uppgávu.
