Vegleiðing í starvsvenjing

Sambært kunngerðini og Námsskipan fyri útbúgvingarnar hevur starvsvenjingarstaðið ábyrgd av at skipa starvsvenjingarpartin, herundir:

 

  • at skapa mennandi lestrarumhvørvi
  • at leggja eina mennandi starvsvenjing til rættis 
  • at leggja samlaðu yvirskipaðu upplæringargongdina til rættis fyri tíðarskeiðið á starvsvenjingarstaðnum

 

Einstaki næmingurin skal hava ein vegleiðara knýttan at sær til dagligt, og skal vegleiðarin síggja til, at næmingurin fær ítøkiliga upplæring í teimum einstøku málunum í útbúgvingini.

 

Vegleiðarin skal hava viðkomandi fakliga útbúgving, miðað verður ímóti, at allir vegleiðarar skulu hava lokið vegleiðaraskeið. 

Vegleiðarin hevur dagliga ábyrgd av næminginum og ábyrgd av skriftligum metingum. Leiðslan á starvsvenjingarstaðnum hevur yvirskipaða ábyrgd av starvsvenjingarpartinum.

Vegleiðarin "eigur" ikki næmingin einsamallur. Eitt arbeiðspláss hevur sum uppgávu at útbúgva starvsfólk til framtíðina, og tí skulu øll starvsfólk taka sær av einum næmingi á staðnum. Tað merkir at "vegleiðarin" hevur høvuðsuppávuna, skipar fyri at næmingurin verður móttikin væl og settur inn í arbeiði og mannagongdir á staðnum, fyllir út kravd pappír, og hevur kravdar samrøður og undrunarsamrøður vikuliga. Dagliga arbeiðið og upplæring annars fyrigongur saman við øllum starvsfólkum á staðnum. 

 

Heilsuskúli Føroya kann gera frávík frá kravinum um lokið vegleiðaraskeið við støði í ítøkiligari meting av dagliga vegleiðaranum ella serligum, verkligum viðurskiftum.

 

Les meir um ábyrgdarøkini í Námsskipanini..... undir starvsvenjing